Adventures on Easy Street: Mga Salinawit sa Sopa Negra

Huli man daw at magaling, naihahabol din. Bilang pahabol sa pagdiriwang ng Buwan ng Wika (Agosto), sisikapin kong isulat ang artikulong ito sa wikang Filipino (salamat, Google Translate at paumanhin sa lahat ng naging guro ko sa Filipino).

Nitong nakaraang taon, nadiskubre ko kasama ang isang kaibigan ang Blacksoup Cafe + Artspace sa kahabaan ng Maginhawa St., Teacher's Village. Naging isa ito sa paborito kong destinasyon kahit pa nagkalat sa paligid nito ang iba't ibang makakainan. Ito'y hindi lamang dahil sa katakam-takam nitong mga putahe (subukan ang pork chop ciabatta at twice-cooked adobo!) kundi dahil na rin sa mga interesanteng likhang-sining na litrato at poster sa mga mesa at dingding, pati na rin sa mga libro at album na inaalok nila sa kanilang mga parokyano.

Sa dinami-rami ng pagkakataon na dito ako kumain, nitong nakaraan ko lamang nakita ang isang libro na kamuntik ko nang nakawin mula sa lugar- ang 101 Salinawit ni Pete Lacaba. Dito, makikita ang mga pagsasalin ng nasabing musikero ng mga awiting banyaga tungo sa wikang Filipino.

At dahil walang binatbat ang awtor na ito sa pagsusulat sa ating sariling wika, mas mabuting ang mga larawan na lamang ng mga napili kong awitin ang magpatuloy ng kwento:

Blacksoup Cafe + Artspace
54 Maginhawa St., Sikatuna Village, Quezon City
12 nn-3 p.m. and 6 p.m.-11 p.m. araw-araw maliban sa Linggo

P.S. Nais ko ring magpasalamat sa mga tauhan ng Blacksoup sa hindi pagpapalayas sa akin kahit kanta ako ng kanta sa loob ng nasabing restaurant

P.P.S. Ngayong Setyembre ang anibersaryo ng Blacksoup. Bisitahin ang kanilang Facebook page upang makita ang kanilang mga promo para sa pagdiriwang nito.